ਨਵੀਂ ਦਿੱਲੀ – ਟੀ-20 ਵਰਲਡ ਕੱਪ 2021 ਦੇ ਦੂਜੇ ਸੈਮੀਫਾਈਨਲ ਮੈਚ ਵਿਚ ਪਾਕਿਸਤਾਨ ਦੀ ਟੀਮ ਨੂੰ ਆਸਟ੍ਰੇਲੀਆ ਦੇ ਹੱਥੋਂ ਪੰਜ ਵਿਕੇਟਾਂ ਨਾਲ ਹਾਰ ਮਿਲੀ । ਇਸ ਹਾਰ ਤੋਂ ਬਾਅਦ ਬਾਬਰ ਆਜਮ ਦੀ ਟੀਮ ਦਾ ਫਾਈਨਲ ਵਿਚ ਪੁੱਜਣ ਦਾ ਸੁਪਨਾ ਟੁੱਟ ਗਿਆ । ਪਾਕਿਸਤਾਨ ਦੀ ਟੀਮ ਸੈਮੀਫਾਈਨਲ ਤੋਂ ਪਹਿਲਾਂ ਜੇਤੂ ਰਹੀ ਸੀ ਪਰ ਕੰਗਾਰੂ ਟੀਮ ਦੇ ਸਾਹਮਣੇ ਇਨਾਂ ਦੀ ਇਕ ਨਹੀਂ ਚੱਲੀ ਅਤੇ ਉਹ ਹਾਰ ਕੇ ਫਾਈਨਲ ਦੀ ਦੌੜ ਤੋਂ ਬਾਹਰ ਹੋ ਗਏ । ਹੁਣ ਟੀ-20 ਵਰਲਡ ਕੱਪ 2021 ਦਾ ਫਾਈਨਲ ਮੈਚ ਐਤਵਾਰ ਨੂੰ ਨਿਊਜ਼ੀਲੈਂਡ ਅਤੇ ਆਸਟ੍ਰੇਲੀਆ ਵਿਚਕਾਰ ਖੇਡਿਆ ਜਾਵੇਗਾ । ਹੁਣ ਕਿਸੇ ਵੀ ਟੀਮ ਨੂੰ ਜਿੱਤ ਮਿਲੇ ਇਸ ਸੀਜ਼ਨ ਵਿਚ ਦੁਨੀਆ ਨੂੰ ਨਵਾਂ ਟੀ-20 ਵਰਲਡ ਚੈਂਪੀਅਨ ਮਿਲੇਗਾ, ਨਾਲ ਹੀ ਕੀਵੀ ਅਤੇ ਕੰਗਾਰੂ ਦੇ ਕੋਲ ਪਹਿਲੀ ਵਾਰ ਇਸ ਟਰਾਫੀ ਨੂੰ ਜਿੱਤਣ ਦਾ ਬਰਾਬਰ ਦਾ ਮੌਕਾ ਹੋਵੇਗਾ ।
ਸੈਮੀਫਾਈਨਲ ਵਿਚ ਪਾਕਿਸਤਾਨ ਨੂੰ ਮਿਲੀ ਹਾਰ ਤੋਂ ਬਾਅਦ ਟੀਮ ਇੰਡਿਆ ਦੇ ਸਾਬਕਾ ਬੱਲੇਬਾਜ ਵਸੀਮ ਜਾਫ਼ਰ ਨੇ ਆਪਣੇ ਟਵੀਟਰ ਅਕਾਊਂਟ ਉੱਤੇ ਹਿੰਦੀ ਫਿਲਮ ਦੀਵਾਨਾ-ਮਸਤਾਨਾ ਦੀ ਇਕ ਤਸਵੀਰ ਸ਼ੇਅਰ ਕੀਤੀ ਅਤੇ ਇਸ ਵਿਚ ਮੌਜੂਦ ਕਰੈਕਟਰ ਦੇ ਜ਼ਰੀਏ ਸਾਰੇ ਟੀਮਾਂ ਦੇ ਕਿਰਦਾਰ ਨੂੰ ਚੰਗੇਰੇ ਤਰੀਕੇ ਨਾਲ ਸਮਝਾਇਆ । ਇਸ ਤਸਵੀਰ ਵਿਚ ਇਕ ਵਿਆਹ ਦਾ ਦ੍ਰਿਸ਼ ਹੈ, ਜਿਸ ਵਿਚ ਸਲਮਾਨ ਖਾਨ ਅਤੇ ਜੂਹੀ ਚਾਵਲਾ ਦਾ ਵਿਆਹ ਹੋ ਜਾਂਦਾ ਹੈ ਅਤੇ ਜਾਫ਼ਰ ਨੇ ਇਸਨੂੰ ਇੰਗਲੈਂਡ ਅਤੇ ਆਸਟ੍ਰੇਲੀਆ ਦੱਸਿਆ ਜੋ ਫਾਈਨਲ ਵਿਚ ਪਹੁੰਚ ਚੁੱਕੇ ਹਨ, ਉਥੇ ਹੀ ਇਸ ਵਿਆਹ ਦੇ ਗਵਾਹ ਬਣੇ ਅਨਿਲ ਕਪੂਰ ਨੂੰ ਉਨ੍ਹਾਂ ਨੇ ਪਾਕਿਸਤਾਨ ਤਾਂ ਉਥੇ ਹੀ ਗੋਵਿੰਦਾ ਨੂੰ ਇੰਗਲੈਂਡ ਦੱਸਿਆ। ਉਥੇ ਹੀ ਵਕੀਲ ਕਾਦਰ ਖਾਨ ਨੂੰ ਉਨ੍ਹਾਂ ਨੇ ਆਈਸੀਸੀ ਦੇ ਤੌਰ ਉੱਤੇ ਵਿਖਾਇਆ। ਇਹ ਤਸਵੀਰ ਬੇਹੱਦ ਫਨੀ ਨਜ਼ਰ ਆ ਰਹੀ ਹੈ ।
ਜ਼ਿਕਰਯੋਗ ਕਿ ਇਸ ਟੀ-20 ਵਰਲਡ ਕਪ ਦੇ ਪਹਿਲੇ ਸੈਮੀਫਾਇਨਲ ਵਿਚ ਇੰਗਲੈਂਡ ਅਤੇ ਨਿਊਜੀਲੈਂਡ ਦਾ ਮੁਕਾਬਲਾ ਹੋਇਆ ਸੀ, ਜਿਸ ‘ਚ ਕੀਵੀ ਟੀਮ ਨੇ ਬਾਜ਼ੀ ਮਾਰੀ ਸੀ ਅਤੇ ਪਹਿਲੀ ਵਾਰ ਟੀ-20 ਵਰਲਡ ਕੱਪ ਦੇ ਫਾਈਨਲ ਵਿਚ ਪੁੱਜਣ ਦਾ ਗੌਰਵ ਹਾਸਲ ਕੀਤਾ, ਉਥੇ ਹੀ ਦੂਜੇ ਸੈਮੀਫਾਈਨਲ ਵਿਚ ਆਸਟ੍ਰੇਲੀਆ ਨੇ ਪਾਕਿਸਤਾਨ ਨੂੰ ਹਰਾਇਆ । ਕੰਗਾਰੂ ਟੀਮ ਦੀ ਜਿੱਤ ਵਿਚ ਮੈਥਿਊ ਵੇਡ ਅਤੇ ਮਾਰਕਸ ਸਟਾਈਨਿਸ ਦੀ ਵੱਡੀ ਭੂਮਿਕਾ ਰਹੀ ਅਤੇ ਇਨ੍ਹਾਂ ਦੋਨਾਂ ਨੇ ਟੀਮ ਨੂੰ ਜਿੱਤ ਦਵਾਈ । ਮੈਥਿਊ ਵੇਡ ਨੇ ਸ਼ਾਹੀਨ ਅਫਰੀਦੀ ਦੁਆਰਾ ਸੁੱਟੇ ਗਏ ਦੂਜੀ ਪਾਰੀ ਦੀਆਂ 19ਵੇਂ ਓਵਰ ਦੀ ਆਖਰੀ ਤਿੰਨ ਗੇਂਦਾਂ ਉੱਤੇ ਲਗਾਤਾਰ 3 ਛੱਕੇ ਲਗਾ ਕੇ ਟੀਮ ਨੂੰ ਜਿੱਤ ਦਵਾਈ ਅਤੇ ਫਾਈਨਲ ਵਿਚ ਪਹੁੰਚਾ ਦਿੱਤਾ ।
