👉ਪਰਸ ਦੇ ਨਾਲ ਕੁੜੀ ਨੂੰ ਆਟੋ ‘ਚੋਂ ਧੂ ਕਿ ਬਾਹਰ ਸੁੱਟਿਆ-ਮੌਤ 

ਪੰਜਾਬ ਦੀ ਕਨੂੰਨ ਵਿਵਸਥਾ ਦਾ ਹਾਲ :

👉ਸਿੱਕਮ ਤੋਂ ਪੰਜਾਬ ਘੁੰਮਣ ਆਈ ਕੁੜੀ ਲੁਟੇਰਿਆਂ ਦਾ ਸ਼ਿਕਾਰ ਬਣੀ

👉ਪਰਸ ਦੇ ਨਾਲ ਕੁੜੀ ਨੂੰ ਆਟੋ ‘ਚੋਂ ਧੂ ਕਿ ਬਾਹਰ ਸੁੱਟਿਆ-ਮੌਤ

ਪੰਜਾਬ ‘ਚ ਲੁੱਟ ਖੋਹ ਅਤੇ ਬਦਮਾਸ਼ੀ ਦੀਆਂ ਵਾਰਦਾਤਾਂ ਹੱਦਾਂ-ਬੰਨੇ ਪਾਰ ਕਰ ਗਈਆਂ ਹਨ। ਬੀਤੇ ਦਿਨ ਅਟਾਰੀ ਸਰਹੱਦ ‘ਤੇ ਰੀਟਰੀਟ ਦੇਖ ਕਿ ਵਾਪਸ ਆ ਰਹੀ ਕੁੜੀ ਨਾਲ ਲੁਟੇਰਿਆਂ ਵੱਲੋਂ ਕੇਵਲ ਪਰਸ ਖੋਹਣ ਲਈ ਕੀਤਾ ਗਿਆ ਅਣ ਮਨੁੱਖੀ ਵਿਉਹਾਰ ਬੇਹੱਦ ਚਿੰਤਾਜਨਕ ਹੈ ਜਿਸ ਵਿੱਚ ਉਕਤ ਲੜਕੀ ਦੀ ਜਾਨ ਚਲੀ ਗਈ।

ਦਰਅਸਲ ਇਹ ਕੁੜੀ ਸਿੱਕਮ ਤੋਂ ਪੰਜਾਬ ਘੁੰਮਣ ਆਈ ਸੀ, ਇਸ ਦੌਰਾਨ ਹੀ ਉਹ ਬੀਤੇ ਦਿਨ ਅਟਾਰੀ ਬਾਰਡਰ ‘ਤੇ ਫੌਜ ਦੀ ਰੀਟਰੀਟ ਦੇਖਣ ਗਈ ਸੀ। ਆਪਣੀ ਸਹੇਲੀ ਨਾਲ ਉਹ ਆਟੋ ‘ਤੇ ਸਵਾਰ ਹੋ ਕਿ ਵਾਪਸ ਆ ਰਹੀ ਸੀ ਕਿ ਰਸਤੇ ‘ਚ ਉਸਨੂੰ ਮੋਟਰਸਾਈਕਲ ਸਵਾਰ ਲੁਟੇਰਿਆਂ ਨੇ ਘੇਰ ਲਿਆ। ਉਨ੍ਹਾਂ ਨੇ ਇੰਨੀ ਜ਼ੋਰ ਨਾਲ ਪਰਸ ਨੂੰ ਖਿੱਚਿਆ ਕਿ ਕੁੜੀ ਪਰਸ ਦੇ ਨਾਲ ਹੀ ਮੂਧੇ ਮੂੰਹ ਸੜਕ ‘ਤੇ ਆ ਡਿੱਗੀ । ਉਸਦੇ ਮੱਥੇ ‘ਤੇ ਗੰਭੀਰ ਸੱਟ ਲੱਗਣ ਨਾਲ ਦੀ ਉਸ ਦੀ ਮੌਤ ਹੋ ਗਈ।

ਦੱਸਣਯੋਗ ਹੈ ਕਿ ਸਰਕਾਰਾਂ ਬਦਲਣ ਨਾਲ ਪੰਜਾਬ ਦੀ ਕਨੂੰਨ ਵਿਵਸਥਾ ਦੀ ਹਾਲਤ ਨੂੰ ਕੋਈ ਵੀ ਫਰਕ ਨਹੀਂ ਪਿਆ ਅਤੇ ਅਜਿਹੀਆਂ ਵਾਰਦਾਤਾਂ ‘ਚ ਲਗਾਤਾਰ ਵਾਧਾ ਹੀ ਹੋਇਆ ਹੈ ।

(ਗੁਰਮੁੱਖ ਸਿੰਘ ਬਾਰੀਆ )