👉ਬੀ.ਸੀ. ਦੇ ਪ੍ਰੀਮੀਅਰ ਤੋਂ ਬਾਅਦ ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਵੱਲੋ ਕੈਨੇਡਾ ਬੈੰਕ ਨੂੰ ਵਿਆਜ਼ ਦਰਾਂ ਨਾ ਵਧਾਉਣ ਦੀ ਕਿਉਂ ਕੀਤੀ ਗਈ ਅਪੀਲ ?

ਲੋਕਾਂ ‘ਤੇ ਵੱਧ ਰਹੇ ਆਰਥਿਕ ਬੋਝ ਕਾਰਨ ਸੂਬਾ ਸਰਕਾਰਾਂ ਦੇ ਸਾਹ ਵੀ ਫੁੱਲਣ ਲੱਗੇ
ਵਿਸ਼ਵ ਮੰਦੀ ਕਾਰਨ ਵਿਆਜ਼  ਦਰਾਂ ‘ਚ ਵਾਧੇ ਅਤੇ ਇਸਦਾ ਆਮ ਲੋਕਾਂ ‘ਤੇ ਪੈਣ ਵਾਲਾ ਪ੍ਰਭਾਵ ਭਾਵੇਂ ਸੂਬਾ ਸਰਕਾਰਾਂ ਦਾ ਮੁੱਦਾ ਨਹੀਂ ਹੈ ਪਰ ਦੋ ਦਿਨ ਪਹਿਲਾਂ ਹੀ ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰੀਮੀਅਰ ਡੇਵਿਡ ਐਬੀ ਅਤੇ ਹੁਣ ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਵੱਲੋਂ ਬੈੰਕ ਆਫ ਕੈਨੇਡਾ ਨੂੰ ਪੱਤਰ ਲਿੱਖ ਕਿ ਵਿਆਜ਼ ਦਰਾਂ ਨਾ ਵਧਾਉਣ ਦੀ ਕੀਤੀ ਗਈ ਅਪੀਲ ਕਾਫੀ ਆਰਥਿਕ ਅਤੇ ਸਿਆਸੀ ਮਾਇਨੇ ਰੱਖਦੀ ਹੈ ।
ਦਰਅਸਲ ਵਿਆਜ਼ ਦਰਾਂ ਲਗਾਤਾਰ ਵੱਧਣ ਕਾਰਨ ਆਮ ਲੋਕ ਹੁਣ ਫੈਡਰਲ ਸਰਕਾਰ ਦੇ ਨਾਲ ਨਾਲ ਸੂਬਾ ਸਰਕਾਰਾਂ ਦੇ ਮੂੰਹ ਵੱਲ ਵੀ ਵੇਖ ਰਹੇ ਹਨ ਕਿ ਉਨ੍ਹਾਂ ਨੂੰ ਕੁਝ ਰਾਹਤ ਦੇ ਰੂਪ ‘ਚ ਸਰਕਾਰਾਂ ਵੱਲੋਂ ਕੀ ਦਿੱਤਾ ਜਾਂਦਾ ਹੈ । ਮਹੀਨੇ ਦੀ ਕਮਾਈ ਦਾ ਵੱਡਾ ਹਿੱਸਾ ਵਿਆਜ਼ ਦੀ ਅਦਾਇਗੀ ‘ਚ ਖਪਤ ਹੋ ਜਾਣ ਕਾਰਨ ਆਮ ਲੋਕਾਂ ਦੀਆਂ ਲੋੜਾਂ ਦਾ ਬੋਝ ਹੁਣ ਸੂਬਾ ਸਰਕਾਰਾਂ ‘ਤੇ ਵੱਧਣ ਲੱਗਾ ਹੈ । ਅਜਿਹੀਆਂ ਹਾਲਤਾਂ ‘ਚ ਸੂਬਾ ਸਰਕਾਰਾਂ ਵੀ ਹੁਣ ਵਿਆਜ਼ ਦਰਾਂ “ਚ ਹੋਰ ਵਾਧੇ ਦੇ ਹੱਕ ‘ਚ ਨਹੀਂ।
(ਗੁਰਮੁੱਖ ਸਿੰਘ ਬਾਰੀਆ)